Mapusa News Dainik Gomantak
गोवा

Mapusa News : संरक्षक भिंत कोसळली; तीन वाहनांचा चुराडा

एकता नगर - म्हापसा येथील घटना : तिन्ही गाड्यांचे मिळून आठ लाखांचे नुकसान

गोमन्तक डिजिटल टीम

म्हापसा : संततधार पडणाऱ्या पावसामुळे एकतानगर - म्हापसा येथील एका घराची संरक्षक भिंत कोसळून तीन वाहनांचे नुकसान झाले. वाहन व संरक्षक भिंत मिळून सुमारे ८ लाख रुपये मालमत्तेची हानी झाली. हा प्रकार रविवारी (ता. २५) पहाटे उघडकीस आला. या ठिकाणी संरक्षक भिंतीच्या जवळ दोन कारगाड्या व एक दुचाकी पार्क केली होती. पावसामुळे ही जुनी भिंत खचल्याने ती या वाहनांवर कोसळली.

याबाबत माहिती मिळताच म्हापसा अग्निशमन दलाने घटनास्थळी धाव घेऊन बचावकार्य राबविले. यावेळी स्थानिक नगरसेवक आशीर्वाद खोर्जुवेकर यांनीही घटनास्थळी भेट दिली व पालिकेच्या कामगारांना वाहनांवर पडलेले दगड व विटा हटविण्यास सांगितले.

या कोसळलेल्या संरक्षण भिंतीखाली सापडून सुधीर पाटील यांची जीए ०६ ई ४०२१ क्रमांकाच्या कारचे १ लाख ५० हजार रु., प्रणिता नाईक यांच्या जीए ०६ एफ २०८६ क्रमांकाच्या कारगाडीचे सुमारे ६ लाख रु., तर जीए ०३ ई ६४४३ क्रमांकाची अकबर नदाप यांची मोटारसायकलचे १ लाख रुपयांचे नुकसान झाले.

दरम्यान, शनिवारी रात्री अशाचप्रकारे समतानगर, खोर्ली-म्हापसा येथे रस्ता खचल्याने येथील रस्त्याची संरक्षक भिंत झाडासह घरावर कोसळली. यात एक दुचाकी या संरक्षक भिंतीच्या ढिगाऱ्याखाली अडकली, तर घराचे काही प्रमाणात नुकसान झाले.

...म्हणून अनर्थ टळला !

ही घटनेची माहिती म्हापसा पोलिसांना मिळताच पोलिसांनी घटनास्थळी येऊन पाहणी केली. ही घटना पहाटेच्या सुमारास घडल्यामुळे या वाहनांमध्ये कोणीही नव्हते, त्यामुळे जीवितहानी टळल्याचे त्यांनी सांगितले. कारण ही वाहने फक्त त्या ठिकाणी उभी करून ठेवण्यात आलेली होती. जर एखाद्यावेळी कोणी गाडीत बसलेला असता तर अनर्थ घडला असता,असेही पोलिसांनी सांगितले. ही घटना घडली तेव्हा परिसरात पहाटे मोठा आवाज झाल्याचे तेथे राहणाऱ्यांकडून सांगण्यात आले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

आम्ही देशप्रेमी, तू देशद्रोही! गोव्यात आणखी एका सामाजिक कार्यकर्त्याला धमकी, BJP नेत्याने धमकीचा फोन केल्याचा आरोप

E-Waste: प्रत्येक नव्या खरेदीमागे जुन्या उपकरणांचा कचरा वाढतो, तोच ढीग गंभीर समस्या म्हणून उभा राहतो; ई-कचऱ्याचा विळखा

Super Cup: सुपर कपचा बिगुल! 25 ऑक्टोबरपासून रंगणार थरार; FC Goa समोर विजेतेपद राखण्याचे खडतर आव्हान

Goa Taxi: 'टॅक्‍सी ॲग्रीगेटर जबरदस्तीने लादणार नाही'! गुदिन्‍होंची हमी; सरकारकडे सुमारे 3500 सूचना, हरकती

Panaji: ‘बोर्डवॉक’ची पणजी महानगरपालिका दुरुस्ती करणार? 2 वर्षांपासून दुर्दशा; धोका असूनही नागरिकांचा वावर

SCROLL FOR NEXT