म्हापसा लोकसभा निवडणुकीच्या आचारसंहितेमुळे म्हापसा पालिकेला आर्थिक वर्षाचे अंदाजपत्रक संमत करण्यास मिळाले नाही. परिणामी, नगराध्यक्षा डॉ. नूतन बिचोलकर यांनी राज्य निवडणूक आयोगाकडे अंदाजपत्रक मांडण्यासाठी पत्राद्वारे परवानगी मागितली आहे.
म्हापसा पालिकेच्या वार्षिक अंदाजपत्रकावर चर्चा करून त्याला मंजुरी देण्यासाठी १८ मार्च रोजी, सकाळी पालिका मंडळाची विशेष बैठक बोलावली होती, परंती बैठक रद्द करावी लागली.
लोकसभा आचारसंहितेमुळे ही स्थिती निर्माण झाल्याचे नगराध्यक्षा डॉ. नूतन बिचोलकर यांनी सांगितले.
स्थायी समितीकडून मंजुरी
उपलब्ध माहितीनुसार, पालिकेने अंदाजपत्रकाचा प्रस्ताव तयार केला असून त्याला स्थायी समितीकडून मंजुरी मिळाली आहे. मात्र, बैठकीपूर्वीच आचारसंहिता लागल्याने या अंदाजपत्रकाला पालिका मंडळाची मंजुरी मिळू शकली नाही. सोमवारी आयोजित विशेष बैठक रद्द करावी लागली.
गेल्या आठवड्यात नगराध्यक्षपदाची धुरा स्वीकारल्यानंतर लगेच अर्थसंकल्पाची तयारी सुरू करण्यासाठी पावले उचलली. परंतु आचारसंहिता लागल्यामुळे हे काम रखडले. याविषयी राज्य निवडणूक आयोगाला पत्र लिहून अंदाजपत्रक मांडण्यास परवानगी द्यावी अशी विनंती केली आहे.
- डॉ. नूतन बिचोलकर, नगराध्यक्षा
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.