Crime News :

म्हापसा, दिल्ली आयटी विभागाचे अधिकारी असल्याचे भासवून एका व्यावसायिकाकडून ३० लाख रुपयांची खंडणी उकळल्याप्रकरणी म्हापसा पोलिसांनी दोघांना अटक केली आहे.

निवेदिता शर्मा (वय २९, उत्तर प्रदेश) आणि भुवन अरोरा (वय ३५, उत्तराखंड) अशी संशयितांची नावे आहेत. तथापि, निवेदिता शर्मा या महिलेची जामिनावर सुटका झाली आहे.

उपलब्ध माहितीनुसार, हा प्रकार ऑगस्ट २०२३ मध्ये घडला होता. तक्रारदाराच्या म्हापशातील बंगल्यावर काही संशयितांनी फिर्यादीस दिल्लीच्या आयटी खात्यातील अमली पदार्थ विभागाचे अधिकारी असल्याचे भासवून त्यांना मारहाण केली.

तसेच अमली पदार्थ प्रकरणात अटक करून बदनामी करू, असे धमकावत फिर्यादीकडून ३० लाख रुपयांची खंडणी उकळली.