Mandrem VP Sarpanch Amit Sawant : जुगारबंदी विरोध केला म्हणून मला सरपंच पदावरून पुढच्या वेळी घरी बसविले तरी चालेल पण आपण मांद्रे गावात पुर्ण जुगार बंद करणार. या संदर्भातील निवेदन पेडणे पोलिसांना देण्यात आल्याची माहिती मांद्रे सरपंच अमित सावंत यांनी दिली आहे.

"मांद्रे गावात जर जुगार चालू असेल तर तो जुगार पोलिसांनी बंद करावा याबाबतचे निवेदन मी पेडणे पोलिसांत दिले आहे. मांद्रे गावातील जुगार बंद करण्यात यावा अशी मागणी महिलांनी माझ्याकडे केली आहे असे मांद्रे सरपंच अमित सावंत यांनी सांगितले.

सावंत म्हणाले, "पेडणे मतदारसंघाचे माजी आमदार व आता राज्यपालपद भूषवित असलेले राज्यपाल राजेंद्र आर्लेकर यांनीही असाच जुगारबंदीबाबत निर्णय घेतला होता. मात्र, त्यांना या निर्णयामुळे निवडणूकीत पराभावाचा सामना करावा लागला होता."

"जुगारबंदी विरोध केला म्हणून मला सरपंच पदावरून पुढच्या वेळी घरी बसविले तरी चालेल पण आपण मांद्रे गावात पुर्ण जुगार बंद करणारच. मी जुगाराचे समर्थन करणार नाही. जुगारामुळे गावातील महिलांना विवीध समस्यांना सामोरे जावे लागत आहे. त्यामुळे मी हा निर्णय घेतला असल्याचे त्यांनी सांगितले.

राज्यात जुगारबंदीसारखा कठोर निर्णय फक्त मुख्यमंत्री प्रमोद सावंतच घेवू शकतात असा विश्वासही त्यांनी यावेळी व्यक्त केला.