पणजी: मंदार लाड याने सर्व सातही डाव जिंकून १९ वर्षांखालील गोवा राज्यस्तरीय १९ वर्षांखालील खुल्या बुद्धिबळ स्पर्धा-निवड चाचणीत अजिंक्यपदास गवसणी घातली. मुलींच्या गटात श्रिया पाटील हिने अपराजित खेळ करताना सहा फेऱ्यांतून साडेपाच गुणांसह विजेतेपद प्राप्त केले.

श्री गणेश कला, क्रीडा व सांस्कृतिक मंडळातर्फे डिचोली तालुका बुद्धिबळ संघटनेच्या सहकार्याने घेतलेली स्पर्धा मये पंचायत सभागृहात झाली. खुल्या गटात राजवीर पाटील सहा गुणांसह उपविजेता ठरला, तर रुबेन कुलासो याने तिसरा क्रमांक मिळविला. मुलींत अन्वी देसाई व इसरा रिकार्टी यांचे समान साडेचार गुण झाले. टायब्रेकर गुणांत अन्वी हिला उपविजेतेपद, तर इसरा हिला तिसरा क्रमांक प्राप्त झाला.

खुल्या गटात चैतन्य गावकर, शुभ बोरकर, मयुरेश देसाई, ह्रदय मोरजकर, अर्थव शिरोडकर, आर्यव्रत नाईक देसाई, अर्थ करापूरकर, व्हिवान कदम, निर्भय गावडे, सार्थक नाईक, रेझमन फर्नांडिस, व्हिवान तारी, अथर्व घाटवळ, सरस पोवार, अर्णव धोटे, चैतन्य पाटील, आर. साई प्रभाकरन, नक्ष सिनारी, राम गावस, प्रचेत मालवणकर, अथर्व परब, कनिष्क सावंत यांना बक्षीस मिळाले.

मुलींच्या गटात सयुरी नाईक, वैष्णवी परब, स्कायला रॉड्रिग्ज, कृतिका अगरवाल, आर्या डुबळे, लिया सिल्वेरा, सान्वी रेडकर, यज्वरी शेट्ये, जिज्ञासा गावस, वानिया दुकळे, शिवन्या राव, शिनेल रॉड्रिग्ज, आराध्या सावंत, नव्या नार्वेकर, अस्मी तेर्से, ईशा सावंत, अदिती कामत, आयुषी गावस, त्रिशा शेट्ये यांना बक्षीस प्राप्त झाले.

बक्षीस वितरण समारंभास गोवा बुद्धिबळ संघटनेचे अध्यक्ष महेश कांदोळकर, डिचोली तालुका बुद्धिबळ संघटनेचे अध्यक्ष राजन कडकडे, प्रदीप शिरोडकर, सुचित्रा शिरोडकर, अरविंद म्हामल, सत्यवान हरमलकर, तुकाराम शेट्ये, प्रवीण सावंत, गणेश शेट यांची उपस्थिती होती.