Norway Chess Championship: नॉर्वे बुद्धिबळ स्पर्धेत डी. गुकेशची मॅग्नस कार्लसनवर मात

विश्वविजेत्या डी गुकेश याने नॉर्वे ओपन स्पर्धेत क्लासिकल डावात जागतिक क्रमवारीतील अव्वल मॅग्नस कार्लसनचा पराभव केला. नॉर्वे ओपनच्या सहाव्या फेरीत गुकेशने हा विजय मिळवला. क्लासिकलमध्ये गुकेशचा हा कार्लसनवरील पहिलाच विजय ठरला. १९ वर्षीय गुकेश स्पर्धेच्या इतिहासात कार्लसनला हरवणारा दुसरा भारतीय खेळाडू ठरला, याआधी रमेशबाबू प्रज्ञानंदाने कार्लसनला हरवले होते. या विजयासह, डी गुकेश नॉर्वे बुद्धिबळ २०२५ च्या गुणतालिकेत ८.५ गुणांसह तिसऱ्या स्थानावर पोहोचला आणि आता तो कार्लसन आणि अमेरिकेच्या फॅबियानो कारुआनापेक्षा फक्त एक गुण मागे आहे.