Palolem Beach: गोव्यात येणारी काही पर्यटक नियमांना धाब्यावर बसवून नसते धाडक करत असतात. दुचाकीवरुन जीवघेणे स्टंट करणे असो की नियमांचे उल्लंघन करुन चुकीचे प्रकार करण्याचा प्रयत्न वारंवार अशा घटना समोर आल्या आहेत.

राज्यातील समुद्रकिनाऱ्यांवर वाहन घेऊन जाण्यास मनाई आहे. तरी काही अतिउत्साही पर्यटक नियमांकडे दुर्लेक्ष करुन बीचवर दुचाकी घेऊन जातात.

अशीच एक घटना दक्षिणेतील प्रसिद्ध पाळोळे बीचवरुन आली आहे. एक व्यक्ती पाळोळे बीचवर दुचाकी घेऊन वावरताना दिसत आहे. खासगी मालकी असणारी ही दुचाकी कर्नाटक परवाना असलेली आहे.

समुद्राच्या पाणी पातळीच्या अगदी जवळून हा व्यक्ती दुचाकी चालवत असून, स्वत:सह इतरांचा जीव देखील धोक्यात घालताना दिसत आहे. दरम्यान, दुचाकीवरील व्यक्ती पर्यटक आहे की स्थानिक याबाबत माहिती समोर आलेली नाही.

यापूर्वी देखील अशाप्रकारच्या अनेक घटना समोर आल्या आहेत. पोलिसांनी अशा घटनांची गंभीर दखल घेऊन वारंवार कारवाई देखील केली असून, नियमांचे उल्लंघन करु नये असे आवाहन केले आहे.

दरम्यान, सरकार आणि प्रशासनाकडून वारंवार सूचना करुन देखील लोकांकडून असा बेफिकीरपणा केला जात असल्याने स्थानिकांनी चिंता व्यक्त केली आहे.