मडगाव : फातोर्डा परिसरात दुचाकीतून पैसे चोरणं एका तरुणाला चांगलंच महागात पडलं आहे. फातोर्ड्यातील जॉगर्स पार्कजवळ एका दुचाकीमधून रोकड लंपास केल्याप्रकरणी तरुणाला पोलिसांनी बेड्या ठोकल्या आहेत. केळशी येथील 27 वर्षीय युवक मॅग्नो रॉड्रिगीस याला फातोर्डा पोलिसांनी चोरीप्रकरणात अटक केली आहे. (Man arrested for theft from bike News Updates)

एका डॉक्टरने दाखल केलेल्या तक्रारीनुसार या युवकाला अटक (Arrest) करण्यात आली आहे. तक्रारीत नमूद केल्याप्रमाणे या डॉक्टरने आपली दुचाकी फातोर्डा येथील स्टेडियमजवळ असलेल्या जॉगर्स पार्कजवळ पार्क करून ठेवली होती. यावेळी संशयित आरोपीने 1100 रुपयांची रोकड, दुचाकीची कागदपत्रे सहित इतर कागदपत्रे चोरुन नेल्याचे तक्रारीत म्हटले आहे.

दुचाकीतून रोकड लंपास केल्याप्रकरणी या संशयित युवकाला फातोर्डा (Fatorda) पोलिसांनी अटक केली आहे. संशयिताला प्रथम वर्ग न्यायालयात (Court) सादर केले असता पुढील चौकशीसाठी दोन दिवसांच्या रिमांडवर अधिक तपासासाठी ताब्यात घेतले असल्याची माहिती आहे. दरम्यान या युवकाने अशा आणखी चोऱ्या केल्यात का याचा शोधही पोलीस घेत आहेत.