सासष्टी तालुक्यात मागील 14 महिन्यात 9 खून

मडगाव: सासष्टी तालुक्यात गेल्या 14 महिन्यांत 9 खुनाच्या घटना घडल्या आहेत. तालुक्यात मागील वर्षी 7 खून झाले, तर यावर्षी आतापर्यंत 2 खून नोंदवण्यात आले आहेत, अशी माहिती पोलिसांनी दिली आहे.

2021 मध्ये नोंदवलेल्या सात हत्यांपैकी सहाचा शोध लागला आहे, तर एकाचा तपास अद्याप सुरू आहे. या सात प्रकरणांपैकी मडगाव येथे दोन प्रकरणे घडली होती. या तुलनेत 2020 मध्ये सासष्टी येथील पाच पोलीस ठाण्यांमध्ये (Police Station) नऊ हत्यांची नोंद झाली असून त्या सर्वांचा शोध लागला आहे. या नऊ गुन्ह्यांपैकी तीन गुन्ह्यांची नोंद कुडतरी पोलिसांनी केली, तर दोन मडगाव (Margao) आणि कुंकळ्ळी पोलिसांनी दोन गुन्हे नोंदवले. फातोर्डा (Fatorda) पोलिस ठाण्यात एक गुन्हा नोंदवण्यात आला. 2019 मध्ये झालेल्या पाचही खुणांचा शोध लागला आहे

याबाबत सासष्टी तालुक्यातील लोकांनी चिंता व्यक्त केली आहे. पोलिसांनी तालुक्यातील लोकांना कायद्याचे पालन करण्याचे आवाहन केले आहे.