Goa Police : पोलीस खात्यातील 369 कर्मचाऱ्यांच्या बदल्यांचे आदेश आज जारी करण्यात आले. त्यामध्ये पोलीस कॉन्स्टेबल ते पोलीस उपनिरीक्षक पदांचा समावेश आहे. पोलिस उपनिरीक्षक ते कॉन्स्टेबल्सपदावरील 369 पोलिसांच्या बदल्यांचा आदेश पोलिस मुख्यालयातर्फे अधीक्षक शेखर प्रभुदेसाई यांनी जारी केला.

यात कॉन्स्टेबल्सची संख्या 300 हून अधिक आहे. पुढील आठवड्याभरात पोलिस स्थानकातील निरीक्षकांच्या बदल्यांचा आदेश निघण्याची शक्यता आहे. बदल्यांचा आदेश अधीक्षकांच्या सहीनिशी पोलिस आस्थापन मंडळाच्या व शिफारशीनुसार काढण्यात आल्याचे नमूद करण्यात येत असले तरी त्यात राजकीय हस्तक्षेप असल्याचा आरोप होत आहे.