Dharbandora Accident News: धारबांदोडा जंक्शनवर आज सकाळी भीषण अपघात घडला. एक स्थानिक स्कूटरचालक आणि बाईक रायडरमध्ये जोरदार टक्कर झाली.

उपलब्ध माहितीनुसार, स्कूटरचालक रेशन घेऊन घरी जात असताना धारबांदोडा जंक्शनवरील वळणावर हा अपघात घडला.

स्कूटरचालक दाभाळच्या दिशेने जात असताना समोरून वेगात बाईक रायडर येऊन आदळला. ही टक्कर इतकी भीषण होती की यामध्ये दोघेही जखमी झाले आहेत. मात्र स्कूटरचालक गंभीर जखमी झाला असून त्याला गोवा वैद्यकीय महाविद्यालयात दाखल करण्यात आले आहे.

दरम्यान, स्कूटरचा चेंदामेंदा झाला आहे. बाईक रायडरवर उसगावमधील इस्पितळात उपचार सुरू आहेत.