Calangute Drunk Drive Case: गोव्यातील वाढते अपघात पाहता राज्यात वाहतुकीचे नियम सक्त करण्यात आले आहेत. मद्याच्या नशेत वाहन चालवणाऱ्यांविरोधात पोलीस कारवाई केली जात आहे.

नुकतेच कळंगुटमध्ये दारुच्या नशेत वाहन चालवणाऱ्या वाहन चालकाला कोर्टाने दणका दिला असून, दंड ठोठावला आहे.

रेवानाथ मुसळे (रा. महाराष्ट्र) असे या वाहन चालकाचे नाव असून, तो मद्याच्या नशेत वाहन चालवताना आढळून आला होता.

पोलिसांनी केलेल्या तपासणीत त्याच्या रक्तात 102.8mg/100ml मद्य आढळून आले होते.

म्हापसा न्यायालयाने चालकाला दोषी ठरवून त्याला 11,500 रुपयांचा दंड ठोठावला आहे.

राज्यात मद्य प्राशन करुन वाहन चालवणाऱ्या चालकांविरोधात कठोर कारवाई केली जात आहे. नशेत असणाऱ्या वाहन चालकांवर वाहतूक पोलीस लक्ष ठेऊन आहेत.

नियमानुसार रक्तात 30mg/100ml मद्याचे प्रमाण आढळ्यास त्याला कारवाई केली जात नाही. त्यापेक्षा जास्त आढळ्यास कारवाई केली जाते.