पणजी: कुजिरामधील एका अपार्टमेंटच्या चौथ्या मजल्यावरून खाली पडून एका बांधकाम ठेकेदाराचा मृत्यू झाल्याची घटना आज सकाळी घडली. जखमी अवस्थेत आढळलेले ठेकेदार जितू तळेकर (वय अंदाजे ५०, रा. महाराष्ट्र) यांचा घटनास्थळीच मृत्यू झाला.

ही घटना समजताच जुने गोवे पोलिस घटनास्थळी दाखल झाले असून, हा मृत्यू अपघाती की यामागे अन्य कोणते कारण आहे, याचा तपास पोलिस करत आहेत. तळेकर हे कुजिरा परिसरातील एका अपार्टमेंटमध्ये वास्तव्यास होते. शनिवारी (१२ जुलै) सकाळी अचानक चौथ्या मजल्यावरून खाली पडल्याची माहिती स्थानिकांनी पोलिसांना दिली.

पोलिसांनी पंचनामा करून मृतदेह ताब्यात घेतला असून शवविच्छेदनासाठी पाठवण्यात आला आहे. याप्रकरणी जुने गोवे पोलिस ठाण्यात आकस्मिक मृत्यूची नोंद करण्यात आली असून पोलिस अधिक तपास