Goa to Prayagraj Special Train Timing

मडगाव : उत्तर प्रदेशमध्ये होणाऱ्या महाकुंभ मेळ्यात जगभरातून भाविक पोहोचले असून गोवेकरांनही या कुंभमेळ्यात सहभागी होता यावे यासाठी गोवा सरकारने विशेष रेल्वेसेवेची घोषणा केली आहे. मुख्यमंत्री देवदर्शन यात्रा या योजनेअंतर्गत ही घोषणा करण्यात आली असून समाजकल्याणमंत्री सुभाष फळदेसाई मडगावहून प्रयागराजला जाण्यासाठी तीन रेल्वेगाड्यांच्या वेळापत्रकाची माहिती माध्यमांना दिली.

मडगाव ते प्रयागराज रेल्वेगाड्यांचे वेळापत्रक (Madgaon To Prayagraj Train Timing)

1. पहिली ट्रेन

   6 फेब्रुवारी : मडगाववरून सकाळी 8 वाजता सुटणार

   10 फेब्रुवारी : प्रयागराजवरून संध्याकाळी 4:30 वाजता सुटणार

2. दुसरी ट्रेन

   13 फेब्रुवारी : मडगाववरून संध्याकाळी 4:40 वाजता सुटणार

   18 फेब्रुवारी : प्रयागराजवरून सकाळी 11:50 वाजता सुटणार

3. तिसरी ट्रेन

   21 फेब्रुवारी : मडगाववरून रात्री 7:40 वाजता सुटणार

   26 फेब्रुवारी : प्रयागराजवरून सकाळी 10.30 वाजता सुटणार

   या ट्रेनला थिवी आणि करमाळी अशा दोन ठिकाणी थांबा आहे.

मडगावरवरून सुटणाऱ्या ट्रेन किती तासांनी प्रयागराजला पोहोचतील?

गोवा ते प्रयागराज हा ट्रेन प्रवास साधारण ३४ तासांचा असेल, अशी माहिती सरकारच्यावतीने देण्यात आली.

गोवा सरकारच्या रेल्वेगाड्यांसाठी तिकीटाचे पैसे भरावे लागतील का?

गोव्याहून प्रयागराजला जाणाऱ्या या रेल्वेगाड्या प्रयागराजच्या अलीकडच्या स्थानकावर थांबतील. तिथून पुढे प्रयागराजपर्यंतचा प्रवास प्रवाशांना स्वतःच्या खर्चाने करावा लागेल. मडगाव ते प्रयागराजच्या अलीकडील स्थानकापर्यंत प्रवाशांची जबाबदारी गोवा सरकारची असेल. त्यापुढील प्रवास आणि राहण्याचा- खाण्याचा खर्च भाविकांना स्वत: करावा लागेल.

गोवा सरकारच्या महाकुंभ विशेष ट्रेनसाठी बुकिंग कशी करता येईल? Madgaon to Prayagraj Mahakumbh Special train how to book ticket

भाविकांनी 0832-2232257 या क्रमांकारावर संपर्क साधावा. प्रथम येणाऱ्या प्राधान्य या निकषानुसार भाविकांना ट्रेनचे तिकीट मिळेल, अशी माहिती सरकारने दिली आहे.