मडगाव : मडगावात कचऱ्याची विल्हेवाट प्रभावीपणे राबवण्याचे मडगाव पालिकेने ठरवले आहे. यापुढे ओला आणि सुका कचरा असे वर्गीकरण न करता कचरा दिल्यास ५ हजार रुपये दंड आकारण्याचा निर्णय पालिकेने घेतला आहे.
मडगाव पालिकेने शनिवारी या आशयाची नोटीस जारी केली असून, ही पद्धती त्वरित कार्यान्वित केली जाणार असल्याचे म्हटले आहे. त्याशिवाय उघड्यावर कचरा टाकणाऱ्यांनाही दंड केला जाणार असल्याचे या त्यात म्हटले आहे. त्यामुळे कचराप्रश्नी मडगाव पालिका चांगलीच आक्रमक झाल्याचं चित्र आहे.
मडगावात पालिकेतर्फे घरोघर जाऊन कचऱ्याची उचल केली जाते. मात्र बऱ्याच वेळा लोक ओला आणि सुका कचरा वेगळा न करता एकाच बरोबर देतात, असे लक्षात आले आहे. त्याशिवाय कित्येक ठिकाणी लोक रस्त्यावर कचरा फेकून देत असल्याचे दिसून आले आहे. त्यामुळे मडगावात कित्येक ठिकाणी उकिरडे निर्माण झाले आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.