मडगाव : मडगाव येथील ओल्ड मार्केट येथे लावण्यात आलेल्या फेस्ताच्या फेरीला ग्राहकाकडून अल्प प्रमाणात प्रतिसाद लाभत असल्याचे येथील दुकानदारांनी सांगितले. नुकत्याच सुरु झालेल्या शाळेमुळे पालक मुलांच्या शाळेच्या साहित्याच्या खरेदीकडे व्यस्त असल्याने याचा परिणाम या फेस्ताच्या फेरी वर झाला असल्याचे बोलण्यात येत आहे .

या फेरीचे आयोजन 5 जून पासून करण्यात आले आहे. या ठिकाणी मुलांची खेळणी, कपडे , फर्निचर , सुकी मासळी सहित इतर प्रकरणाची दालने खलु कऱण्यात आली आहे . रविवारी सुट्टी असल्याने या फेस्ताच्या फेरीला मोठ्या प्रमाणात ग्राहक येणार असल्याचे येथील दुकान्दाराणी गृहीत धरले होते याच दरम्यान मुलांच्या शाळा सुरु झाल्या असल्याने पालकांनी आपल्या मुलांचे शाळेचे साहित्य खरेदी करण्याकडे कल दिला आहे . येथील फेरी आणखी तीन चार दिवस असणार असल्याने यापुढे तरी ग्राहक फिरकणार का याची चिंता येथील दुकानदारांना सतावत आहे.

भाडे न देणाऱ्यांवर पालिकेची कारवाई

मडगाव नगरपालिकेने फेस्ताच्या फेरीत लावण्यात आलेल्या दुकानदारांनी भाडे न भरलेल्यावर कारवाई करून त्यांच्याकडून ते वसूल करण्यात आले. या कारवाईत नगरपालिकेच्या मार्केट इन्स्पेक्टरनी ही कारवाई केली. या कारवाईत अनेक दुकानदारांनी आपल्या दुकानाचे दरानुसार भाडे दिले या पुढे हे भाडे देण्यात असमर्थ ठरलेल्या दुकानदाराना आपली दुकाने या ठिकाणाहून हटविण्यात येणार असल्याचे नगरपालिकेचे मुख्याधिकारी रोहित कदम यांनी सांगितले .