Goa Murder Case

पिळर्ण-पर्वरी ऑडिट भवनजवळ मंगळवारी (दि.16) 21 वर्षीय तरुणाचा मृतदेह आढळून आला होता. याप्रकरणी नवा खुलासा समोर आला असून, सलूनमध्ये कामाला असणाऱ्या या तरुणाचा खून झाल्याचे उघड झाले आहे. धक्कादायक बाब म्हणजे या तरुणाचा खून लव्ह ट्रँगलमधून झाल्याची प्राथमिक माहिती समोर आली आहे.

रेहबर खान (21, अमरोहा, उत्तरप्रदेश) असे खून झालेल्या तरुणाचे नाव असून, तो एका सलूनमध्ये कामाला होता. मंगळवारी त्याचा मृतदेह संशयास्पद अवस्थेत पिळर्ण-पर्वरी येथील ऑडिट भवनजवळ आढळून आला होता.

रेहबरच्या चुलत भावाने एका खासगी वृत्तवाहिनीला दिलेल्या मुलाखतीत त्यांने घटनेबाबत माहिती दिली आहे. रेहबरच्या एका मुलीच्या प्रेमात होता, दरम्यान यात प्रकरणात लव्ह ट्रँगल असल्याने त्याला मारहाण करण्यात आली. यात रेहबरचा मृत्यू झाला व नंतर मृतदेह पिळर्ण-पर्वरी ऑडिट भवनजवळ फेकून देण्यात आल्याचे समोर आले.

पोलिसांनी याप्रकरणी पाच जणांना ताब्यात घेतले असून, सदर घटनेबाबत त्यांची कसून चौकशी केली जात आहे. दरम्यान, यात आणखी काहीजणांना ताब्यात घेतले जाऊ शकते, अशी शक्यता पोलिसांनी व्यक्त केली आहे.