Shiroda Constituency :

शिरोडा, शिरोडा मतदारसंघात आज भाजपची प्रचारफेरी काढण्यात आली. यावेळी पंतप्रधान नरेंद्र मोदी यांचे हात बळकट करण्यासाठी समस्त मतदारांनी भाजपच्या उमेदवार पल्लवी धेंपे यांना मते देऊन विजयी करावे, असे आवाहन शिरोड्याच्या सरपंच मुग्धा शिरोडकर यांनी केले.

शिरोडा भाजप मंडळातर्फे शिरोडा गावात आज प्रचंड मोठी प्रचारफेरी काढण्यात आली. यावेळी मुग्‍धा शिरोडकर बोलत होत्या. या प्रचार फेरीत जिल्हा पंचायत सदस्य नारायण कामत, शिरोडा भाजप मंडळ अध्यक्ष सूरज नाईक, सरचिटणीस अवधूत नाईक, पंच सदस्य शिवानंद नाईक, सुवास नाईक, राखी नाईक, आदींबरोबर भाजपचे कार्यकर्ते उपस्थित होते. शिरोडा गावात सर्वत्र फिरून पल्लवी धेंपे यांना मते देण्याचे आवाहन केले गेले.

यावेळी भाजप कार्यकर्त्यांनी प्रचारफेरीत ‘अबकी बार ४०० पार’, ‘फिर मोदी सरकार’, ‘मोदी सरकारचा विजय असो’, ‘येऊन येऊन येणार कोण, पल्लवी धेंपेंशिवाय दुसरा कोण’, ‘भारतीय जनता पक्षाचा विजय असो’ अशा घोषणांनी परिसर दणाणून सोडला.