वास्को, भाजपतर्फे लोकसभा उमेदवार पल्लवी धेंपे यांच्या प्रचार वाहनांचे उद्‍घाटन भाजपचे निवडणूक प्रभारी आशिष सूद यांच्या हस्ते करण्यात आले. एनडीए देशात हॅटट्रिक साधणार असल्याचा दावा सूद यांनी यावेळी केला.
यावेळी आमदार कृष्णा साळकर, नगराध्यक्ष गिरीश बोरकर, वास्को भाजप गटाध्यक्ष दीपक नाईक, नगरसेविका शमी साळकर, नगरसेवक अमय चोपडेकर, राज्य भाजप सदस्य जयंत जाधव, वास्को भाजप प्रभारी अनिथा थोरात, पूजा नाईक, अंकिता सातार्डेकर, संदीप नार्वेकर, प्रशांत नार्वेकर व इतर भाजप कार्यकर्ते मोठ्या संख्येने उपस्थित होते.
आशिष सूद यांनी यावेळी सांगितले की, भाजप हा संघटित पक्ष असून या पक्षाची भूमिका जनतेच्या हितासाठी आहे. काँग्रेस हा धर्म न मानणार पक्ष असल्याने आज त्याची खालच्या दर्जाची स्थिती निर्माण झाली आहे. भाजपने गरिबांना विविध योजना राबवून त्यांना त्याचा हक्क देण्यात महत्त्वाची भूमिका बजावलेली आहे.
वास्कोतून धेंपेंना १८ हजार मते : साळकर
आमदार कृष्णा साळकर यांनी सांगितले की, या मतदार संघातून भाजप उमेदवार पल्लवी धेंपे यांना मतांची टक्केवारी वाढवून देण्यात कार्यकर्ता वचनबद्ध आहे. वास्कोतून लोकसभा निवडणुकीत १८ हजार मते भाजपला मिळणार असल्याची खात्री साळकर यांनी दिली.
यावेळी भाजप गटाध्यक्ष दीपक नाईक, प्रशांत नार्वेकर यांची मार्गदर्शनपर भाषणे झाली. याप्रसंगी मोठ्या प्रमाणात महिला वर्गाचा समावेश होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.