Dabolim Airport Taxi Counter: दाबोळी विमानतळावरील ताज टॅक्सी काऊंटरवर स्थानिकांच्या 100 टॅक्सी वगळल्या गेल्या आहेत. या ठिकाणी दिल्ली, बिहारचे 120 टॅक्सीचालक आणले आहेत, असा आरोप कॅप्टन व्हिरिएतो फर्नांडिस (Captain viriato Fernandes) यांनी केला आहे. ताज टॅक्सीच्या मालकांनी हे सर्व केले आहे.

हे टॅक्सीचालक बॅचशिवाय टॅक्सी चालवतात. याशिवाय इतर राज्यातून 60 टॅक्सीज आणल्या गेल्या आहेत. या टॅक्सींची नोंदणी गोव्यात केली गेली आहे. वाहतूक मंत्र्यांना दर तीन महिन्यांनी ताज टॅक्सी काऊंटरच्या मालकाकडून बॅग मिळते, असा गंभीर आरोपही त्यांनी केला.

परराज्यातील टॅक्सीचालकांची सोय लावण्यात कुणाचा स्वार्थ लपला आहे? हे समोर आले पाहिजे. यामुळे स्थानिक टॅक्सीचालकांचे नुकसान होत आहे. हा प्रश्न लवकरात लवकर सोडविण्याची गरज आहे. स्थानिक टॅक्सीचालकांना न्याय दिला गेला पाहिजे, असेही ते म्हणाले.