Mopa Airport Dainik Gomantak
गोवा

Mopa Airport: 'मोपा'वर 11 दारू आउटलेट्स कार्यरत, 80% व्यवसाय गोव्याबाहेरील कंपन्यांच्या ताब्यात

Mopa airport liquor outlets: मोपा येथील मनोहर आंतरराष्ट्रीय विमानतळावर सध्या एकूण ११ दारू विक्री आउटलेट्स कार्यरत असून, त्यांना गोवा उत्पादन शुल्क विभागाकडून वैध परवाने देण्यात आले आहेत.

Sameer Amunekar

मोरजी: मोपा येथील मनोहर आंतरराष्ट्रीय विमानतळावर सध्या एकूण ११ दारू विक्री आउटलेट्स कार्यरत असून, त्यांना गोवा उत्पादन शुल्क विभागाकडून वैध परवाने देण्यात आले आहेत. हे परवाने देशी मद्य, देशी दारू आणि विदेशी मद्य यासाठी देण्यात आले आहेत. थेट वापरासाठी तसेच सीलबंद बाटल्यांमधून किरकोळ स्वरूपात विक्री करण्यास मुभा देण्यात आली आहे. ही सर्व आउटलेट्स जानेवारी ते सप्टेंबर २०२४ या कालावधीत सुरू करण्यात आली असून, परवाने दरवर्षी नूतनीकरण करण्यायोग्य आहेत.

मिळालेल्या माहितीनुसार, या व्यवसायांपैकी बहुसंख्य कंपन्या गोव्याबाहेरील आहेत. या क्षेत्रातील प्रमुख कंपन्यांमध्ये जीएमआर हॉस्पिटॅलिटी लिमिटेड (गुरुग्राम), एन्कॅल्म हॉस्पिटॅलिटी प्रायव्हेट लिमिटेड (नवी दिल्ली) आणि रिडिअन्स एअरो हॉस्पिटॅलिटी सर्व्हिसेस प्रायव्हेट लिमिटेड (हैदराबाद) यांचा समावेश होतो. बुटीक लिक्वर्स एलएलपी, जरी गोव्यात नोंदणीकृत असली तरी, ती एका मोठ्या राष्ट्रीय नेटवर्कचा भाग असल्याचे स्पष्ट झाले आहे.

दुसरीकडे, ११ परवाना धारकांपैकी केवळ दोन कंपन्या-मार्केटी फूड्स प्रायव्हेट लिमिटेड (उत्तर गोवा) आणि बुटीक लिक्वर्स एलएलपी (मडगाव)- या गोव्यात नोंदणीकृत असून स्थानिक उद्योजकांशी संबंधित आहेत.

यामुळे सुमारे ८० टक्के दारू विक्री व्यवसाय गोव्याबाहेरील कंपन्यांकडून हाताळला जातो, तर स्थानिक कंपन्यांचा वाटा केवळ २० टक्क्यांच्या आसपास आहे.

सरकारला १.८४ कोटींचा महसूल

गोवा उत्पादन शुल्क विभागाच्या नोंदीनुसार, वर्ष २०२३ ते २०२५ या तीन वर्षांच्या कालावधीत या आउटलेट्सकडून एकूण १.८४ कोटी रुपयांचे परवाना नूतनीकरण शुल्क राज्य सरकारने वसूल केले आहे. यामध्ये केवळ जीएमआर आणि एन्कॅल्म या दोन कंपन्यांकडूनच १ कोटीहून अधिक महसूल प्राप्त झाला आहे.

गोवा फॉरवर्डचे आमदार विजय सरदेसाई यांनी विधानसभेत विचारलेल्या लेखी प्रश्नावर मुख्यमंत्री डॉ. प्रमोद सावंत यांनी दिलेल्या उत्तरातून ही माहिती समोर आली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

'तो' शेवटचा चेंडू ठरला आयुष्यातील अंतिम क्षण; हृदयविकाराच्या झटक्याने गोलंदाजाचा मैदानावरच मृत्यू, थरकाप उडवणारा VIDEO

Ranji Trophy: गोवा संघाशी भिडणार IPLचा शतकवीर; पर्वरीत रंगणार सामना; रणजी सामन्यात चंदीगडचे आव्हान

Mayem Lake: ‘या...या, मया या’ गाण्यामुळे प्रसिद्ध झालेल्या तलावाकडे पर्यटकांची पाठ! 10 कोटींचा खर्च पाण्‍यात; बससेवासुद्धा बासनात

बिष्णोई गँगची माणसं आहे! दारूच्या नशेत तंगाट पर्यटकांचा कळंगुट येथील हॉटेलमध्ये राडा; पोलिस अधिकाऱ्याला मारहाण केल्याचा आरोप

Kadamba Bus: याचिकेने आणली ‘कदंब’ला जाग! आसगाव–म्हापसा मार्गावर अतिरिक्त बस सुरू; सुनावणीनंतर उचलले पाऊल

SCROLL FOR NEXT