दूधसागर- सोनावली मार्गावरील रेल्वेसेवा पूर्ववत झाली आहे. गुरुवारी (२५ जुलै) रात्री मार्गावर दरड कोसळल्याने रेल्वेसेवा ठप्प झाली होती. रेल्वे कर्मचाऱ्यांच्या अथक प्रयत्नानंतर मार्गावरील दगड- माती हटविण्यात यश आले आले असून, रेल्वेसेवा पूर्ववत झाली आहे.

गोवा-कर्नाटक सीमेवर दूधसागर आणि सोनावली विभागांदरम्यान गुरुवारी मध्यरात्री भूस्खलन झाल्यामुळे दक्षिण पश्चिम रेल्वे मार्गावर पाच गाड्यांच्या वाहतुकीवर परिणाम झाला, असे एका अधिकाऱ्याने सांगितले.

तसेच, लोंडा आणि तिनाईघाट (कर्नाटक सीमेवरील) दरम्यान झाड पडल्याने ओव्हरहेड वीज पुरवठ्यावर परिणाम झाल्याने ट्रॅकही बंद करण्यात आला.

दक्षिण पश्चिम रेल्वेचे मुख्य जनसंपर्क अधिकारी डॉ. मंजुनाथ कनामाडी यांनी डेक्कन हेराल्डला दिलेल्या माहितीनुसार, दोन्ही घटना शुक्रवारी पहाटेच्या सुमारास घडल्या. मातीचा ढिगारा आणि कोसळलेले झाड हटवल्यानंतर सकाळी 6 च्या सुमारास रेल्वे वाहतूक पुन्हा सुरू झाली.

सोनावली येथे मध्यरात्री 1 वाजता आलेली ट्रेन क्रमांक 17310 ही कुळे स्थानकाकडे (गोव्यात) परत आली, तर ट्रेन क्रमांक 17419 लोंडा (कर्नाटक) येथे पहाटे 01.40 पासून नियमित करण्यात आली.

तसेच, ट्रेन क्रमांक 17309 चे नियमन अलनावर स्टेशन (कर्नाटक) येथे सकाळी 01.55 पासून करण्यात आले, तर ट्रेन 12780 चे नियमन बेळगाव (कर्नाटक) येथे सकाळी 01.35 पासून करण्यात आले. वास्को-जसीदिह एक्स्प्रेस (17321) ही वास्कोहून सकाळी 7:50 वाजता सुटणारी ट्रेनच्या वेळेत बदल करण्यात आला.

ट्रॅक पूर्ववत केल्यानंतर, ट्रेन क्रमांक 17419 लोंडा येथून सकाळी 06.00 वाजता सुटली आणि ट्रेन 17309 सकाळी 06.05 वाजता अलनावरहून रवाना झाली.