वळवई येथील ललितप्रभा नाट्यमंडळ संचालित ललितप्रभा गांधर्व विद्यालयातर्फे श्री गजांतलक्ष्मी संस्थान आणि तारी सोसायटीच्या सहकार्याने वळवई व सावईवेरे पंचक्रोशी मर्यादित शास्त्रीय संगीत तसेच वादन स्पर्धा घेण्यात आली.

शास्त्रीय गायन साथिया पांडू पालकर, तेजल आनंद शिरोडकर- प्रथम, श्रेया शेखर वळवईकर व जिविका उमेश पालकर यांनी द्वितीय तर आर्यन प्रशांत नाईक व सोहम अरुण च्यारी यांनी तृतीय पारितोषिक पटकावले.

हार्मोनियम वादन स्पर्धेत विनायक सुदेश कामत आणि साईप्रसाद विठ्ठल नाईक यांना प्रथम, सौमित्र सात्विक अभिषेकी व आदित्य दिगंबर कुमठेकर यांनी द्वितीय तर सुयश सुरेंद्र वळवईकर व साईश्रीपाद प्रसाद कामत यांनी तृतीय बक्षीस मिळवले. चौथे बक्षीस वेदांग भास्कर शिलकर व नंदेश प्रसाद कामत यांना देण्यात आले.

तबलावादन स्पर्धेत साईश्रीपाद प्रसाद कामत पहिला, विनायक सुदेश कामत दुसरा तर सुयश सुरेंद्र वळवईकर तिसरा आला. संगीत शिक्षक सुधीरकुमार सुर्लकर व बाळकृष्ण खांडेपारकर यांच्या मार्गदर्शनाखाली झालेल्या या स्पर्धेचे परीक्षण संदेश खेडेकर व श्रीकृष्ण सतरकर यांनी केले.