CM Pramod Sawant आजचा दिवस खूप महत्त्वाचा आहे कारण मुख्यमंत्री डॉ प्रमोद सावंत यांचा वाढदिवस, लईराई जत्रा, मिलाग्रेस फेस्त तसेच सचिन तेंडुलकरचा वाढदिवस देखील आहे.

असा अनोखा संगम जुळवून आला खरेच आम्ही भाग्यवान आहोत असे शुभेच्छा वर्धक शब्द मूरगावचे आमदार संकल्प आमोणकर यांनी काढले.

मुरगाव मतदारसंघात मुख्यमंत्री डॉ. प्रमोद सावंत यांच्या 50 व्या वाढदिवसानिमित्त मुख्यमंत्री डॉ. प्रमोद सावंत यांचे अनोखे रांगोळी चित्र, विविध केक मेकिंग कॉम्पिटिशन, बायना बीच क्लीनिंग, पालिका कर्मचाऱ्यांचा सत्कार, शासकीय शाळेतील विद्यार्थ्यांना गणवेश व पुस्तके दान करण्यात आली.

अशा विविध कार्यक्रमांचे आयोजन आमदार संकल्प आमोणकर यांच्या हेडलाईन सडा येथील कार्यालयात केले होते.

यावेळी मूरगावचे भाजपा गटाध्यक्ष संजय सतार्डेकर, नगरसेविका श्रध्दा आमोणकर, मूरगाव मतदार संघ प्रवक्ता संतोष केरकर,कुणाली पार्सेकर,प्रसाद प्रभूगावकर व इतर उपस्थित होते.

यावेळी आमदार संकल्प आमोणकर व इतर उपस्थित मान्यवरांच्या हस्ते पालिका कर्मचाऱ्यांचा शाल, श्रीफळ व स्मृतिचिन्ह देऊन सत्कार करण्यात आला. तसेच शासकीय शालेय विद्यार्थ्यांना गणवेश व पुस्तके देऊन मदत करण्यात आली.

तसेच मुख्यमंत्री डॉ. प्रमोद सावंत यांच्या 50 व्या वाढदिवसानिमित्त मुख्यमंत्री डॉ. प्रमोद सावंत यांचे अनोखे रांगोळी चित्र श्री इश्वटी ब्राम्हण लक्ष्मी नारायण मंदीर सभागृहात रेखाटण्यात आले होते व ती रांगोळी प्रदर्शनास खुली ठेवण्यात आली होती.