डिचोली, शिरगाव येथील श्री लईराई देवस्थानच्या होमकुंड उत्सवात सहभागी होणारे तालुक्यातील शेकडो धोंड विविध तळांवर सोवळे पाळून कडक व्रत करीत आहेत. अनेक धोंडांच्या तळांना पिढीजात परंपरा आहे.
लाखेरे येथील तळावरील धोंड गेल्या चार पिढ्यांपासून लईराईचे व्रत करतात. ८५ वर्षीय धोंडासह एकूण ५५ धोंड सध्या या ठिकाणी व्रत पाळत आहेत.
लाखेरे येथील धोंडांच्या व्रतास प्रारंभ झाला आहे. १४ ते ८५ वर्षांपर्यंतचे धोंड येथे आहेत. येथील धनगर समाजातील चौथ्या पिढीचे प्रतिनिधित्व करणाऱ्या धोंडांचाही यात समावेश आहे. दरवर्षी या तळावर नव्या धोंडांची येथे भर पडते, मात्र यंदा नवीन धोंडांची भर पडलेली नाही. आता आमची चौथी पिढी व्रत पाळत आहे, असे ज्येष्ठ धोंडांनी सांगितले.
बाळूमामांचा आशीर्वाद
लाखेरे येथे बाळूमामांचे छोटेसे मंदिर बांधण्यात आले आहे. गेल्या तीन वर्षांपासून या मंदिरात या धोंडांचा तळ असतो तत्पूर्वी येथील नदीकाठी व नंतर कडकडे यांच्या भाटात तळ होता. बाळूमामांच्या आशीर्वादाने एकत्रित व्रत पाळण्याचा आनंद आणि उत्साह वेगळाच आहे, असे ज्येष्ठ धोंड बाबू ताटे यांनी सांगितले.
आज सर्वत्र ‘व्हडले जेवण’
जत्रेच्या आदल्या रात्री म्हणजेच शनिवारी (ता.११) धोंड भक्तगण व्रत पाळतात त्या तळांवर ''व्हडले'' जेवणाचा कार्यक्रम होतो. देवीचा प्रसाद म्हणून गाव जेवण वाढले जाते. मोठ्या संख्येने लोक यात सहभागी होतात. लाखेरे येथे व्हडले जेवणासाठी भाविक गर्दी करतात, अशी माहिती धोंडांनी दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.