Khair Wood Smuggling Dainik Gomantak
गोवा

Khair Wood Smuggling: वारखंड पेडणे येथे खैर लाकडाची तस्करी उधळली; व्हॅनसह 60 हजारांचा मुद्देमाल जप्त, सिंधुदुर्गातील संशयिताला अटक

Khair Wood Smuggling In Pernem: वारखंड येथे खैराच्या झाडांची बेकायदेशीर वाहतूक करणाऱ्या व्हॅनवर पेडणे वन विभागाने कारवाई केली.

गोमंतक ऑनलाईन टीम

पेडणे: वारखंड येथे खैराच्या झाडांची बेकायदेशीर वाहतूक करणाऱ्या व्हॅनवर पेडणे वन विभागाने कारवाई केली. या कारवाईत सुमारे ६० हजार रुपये किमतीचे खैराच्या झाडाचे ओंडके आणि वाहतुकीसाठी वापरण्यात आलेली व्हॅन जप्त करण्यात आली. याप्रकरणी सिंधुदुर्ग जिल्ह्यातील निरवडे येथील सोनू वरक याला अटक करण्यात आली आहे.

पेडणे वन विभागाचे अधिकारी हरीश महाले हे वनपाल सुनील नाईक, विष्णू सावंत, स्नेहल साळगावकर, जितेंद्र नाईक, अविनाश परब आणि नागेश वरक यांच्यासोबत गस्तीवर होते. त्यावेळी वारखंड येथे जीए-०३-पी-९४५८ क्रमांकाची व्हॅन संशयास्पदरीत्या जाताना आढळून आली. वन विभागाच्या पथकाने वाहन थांबवून त्याची तपासणी केली असता त्यामध्ये खैराच्या झाडाचे ओंडके आढळून आले.

वन विभागाच्या अधिकाऱ्यांनी वाहनातील लाकडाच्या वाहतुकीसाठी आवश्यक परवाना आणि कागदपत्रांची मागणी केली. मात्र, संबंधित व्यक्तीला आवश्यक परवाना सादर करता आला नाही. त्यामुळे वन विभागाने तत्काळ कारवाई करीत वाहनासह खैराचे ओंडके ताब्यात घेतले. याप्रकरणी वन कायद्यानुसार गुन्हा नोंदवून सोनू वरक याला अटक करण्यात आली. आरोपी हा ओंडके घेऊन जात असल्याचे प्राथमिक तपासात समोर आले आहे.

कातासाठी खैराची ‘कटाई’!

खैराच्या लाकडापासून कात तयार केली जाते आणि त्याला बाजारात चांगला दर मिळतो. त्यामुळे या लाकडाची बेकायदेशीर तोड व वाहतूक करणाऱ्यांचे जाळे सक्रिय असल्याचा संशय आहे. वारखंड येथे वन विभागाने केलेल्या कारवाईत ओमनीसह सुमारे ६० हजार रुपयांचे खैराचे ओंडके जप्त करून एका संशयिताला अटक केली आहे. या कारवाईमुळे खैराच्या अवैध वाहतुकीचा माग काढण्याची संधी वन विभागाला मिळाली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT