गोव्याच्या आगामी विधानसभा निवडणुका (Goa Assembly Elections) डोळ्यासमोर ठेउन गोव्यात आपली राजकीय पकड निर्माण करण्यासाठी आम आदमी पक्षाने चांगलीच मेहनत सुरु केली असल्याचे पहायला मिळते आहे. आम आदमी पक्षाचे प्रमुख अरविंद केजरीवाल (Arvind Kejriwal) सध्या गोवा दौऱ्यावर आहेत. गोव्यात आम आदमी पार्टीची सत्ता आल्यास गोवेकरांना मोफत आणि 24 तास वीज देण्याची गॅरंटी (KejriwalKiGuarantee) दिल्लीचे मुख्यमंत्री केजरीवाल यांनी पणजीत दिली.

अरविंद केजरीवाल यांनी यावेळी बोलत असताना मोठी आश्वासन दिल्याचे पहायला मिळते आहे. त्यामध्ये प्रामुख्याने 24 तास आणि मोफत वीज, विशेष म्हणजे शेतकर्यांना मोफत वीज देण्यात येणार असुन विजेची जुनी बिले सुद्धा माफ करण्यात येणार असल्याचे त्यांनी आश्वासन दिले आहे.