पाळोळे समुद्रात एका पर्यटकाचा बुडून मृत्यु झाला आहे. ही घटना आज संध्याकाळी येथील समुद्रकिनारी घडली. पर्यटकाचा बुडून मृत्यु झाला आहे की पर्यटकाला हेतूपुरस्सर बुडविण्यात आले असा संशय व्यक्त करण्यात येत आहे.

पाळोळे येथील समुद्रकिनारी पर्यटकांच्या एका गटात मारामारी सुरु होती. यावेळी बुडून मृत्यु झालेल्या पर्यटक युवकाला हेतूपुरस्सर समुद्राच्या पाण्यात बुडविण्यात आले असल्याचा संशय व्यक्त करण्यात येत आहे. पर्यटक युवक बुडल्याचे लक्षात येताच जीवरक्षकांनी त्याला समुद्राबाहेर काढले व काणकोण सामाजिक आरोग्य केंद्रात अधिक उपचारासाठी आणण्यात आले. मात्र त्याला तेथे मृत घोषित करण्यात आले. मयत वास्को येथील असून तो मुळ कर्नाटकातील आहे.