वास्को: काल बुधवारी गोव्यात (Goa) सकाळी कुठ्ठाळी जंक्शनजवळ कदंब (Kadamba) बसला मोठी आग लागली. या आगीमध्ये चालक आणि कंडक्टरसह तब्बल 22 प्रवासी वेळीच प्रसंगावधन राखल्याने मोठी दुर्घटना टळली. या घटनेमुळे कदंब महामंडळाला 22 लाख रुपये नुकसान झाल्याचा अंदाज वर्तविण्यात आला आहे.

मिळालेल्या माहितीनुसार कदंब बसला कुठ्ठाळी जंक्शनवर पोचताच बसच्या मागील भागास अचानक आग लागली, त्यानंतर घाबरलेल्या सर्व प्रवाशांनी दरवाजाकडे धाव घेतली आणि खाली उतरले, त्यामुळे त्या सर्वांचे प्राण वाचले. वेर्णा अग्निशमन दलाला याची माहिती मिळताच अग्निशमन दलाने घटनास्थळी धाव घेत आग आटोक्यात आणली.