सेक्स स्कॅंण्डल प्रकरण: मिलिंद नाईकांनी दिला मंत्रिपदाचा राजीनामा

सेक्स स्कॅण्डलमध्ये गुंतल्याचा आरोप काँग्रेस प्रदेशाध्यक्ष गिरीश चोडणकर यांनी केल्यानंतर तसेच संकल्प आमोणकर यांनी पोलिसात तक्रार दाखल केल्यावर नगर विकास मंत्री मिलिंद नाईक यांनी आपल्या मंत्रिपदाचा आज रात्री उशिरा राजीनामा दिला. मुख्यमंत्र्यांनी त्यांचा हा राजीनामा स्वीकारून तो राज्यपालांकडे मंजुरीसाठी पाठवला असल्याची माहीती, मुख्यमंत्र्यांच्या कार्यालयातून देण्यात आली.

(सविस्तर वृत्त थोड्याच वेळात)...

मुरगाव येथील वासनाकांड प्रकरणाचे पर्यावसान नगरविकास मंत्री मिलिंद नाईक यांच्या राजीनाम्यात झाले आहे. काँग्रेसचे संकल्प आमोणकर यांनी आज काही ध्वनिफिती, चित्रफिती व व्‍हॉट्‌सॲप संदेशांच्या पुराव्यांसह मंत्री नाईक यांच्या विरोधात पोलिस तक्रार दाखल केली. यानंतर विलक्षण गतीने राजकीय चक्रे फिरू लागली. हे प्रकरण कुजत ठेवले तर भाजपाला येत्या निवडणुकीत जबर किंमत मोजावी लागेल याचा अंदाज पक्षश्रेष्ठींना आला आणि नाईक यांना राजीनामा देण्याच्या सूचना दिल्या गेल्या. भाजपाचे प्रभारी देवेंद्र फडणवीस आज तर पक्षाचे संघटनमंत्री बी. एल. संतोष उद्या तातडीच्या गोवा भेटीवर येत असून पंतप्रधान नरेंद्र मोदींच्या प्रस्तावित गोवा भेटीआधी काही महत्त्वाचे निर्णय अपेक्षित आहेत.