पणजी: रेल्वेमार्ग दुपदरी करणासाठी जमीन संपादन करण्यासाठीची फाईल महसूलमंत्री असताना माझ्याकडे आली होती, त्यावेळी मी त्यावर नेगेटीव्ह नोट लिहिला व जमीन संपादन संबंधीची परवानगी नाकारली. परंतु मंत्र्यांच्यावर मुख्यमंत्री असल्याने तत्कालीन मुख्यमंत्र्यांनी संमती दिली असेल, असे राष्ट्रवादी शरद पवार गटाचे नेते जुझे फिलिप डिसोझा यांनी सांगितले.

पक्ष कार्यालयात आयोजित पत्रकार परिषदेत ते बोलत होते. त्यांनी तत्‍कालीन मुख्यमंत्री दिगंबर कामंतांचे नाव न घेता टीका केली. रेल्वे मार्ग दुपरीकरणास संमती दिल्यास रेल्वे रुळानजीक असलेल्या घरांना धोका निर्माण होईल याचा विचार करून मंत्री संमती नाकारली होती. मला हा केंद्राचा प्रकल्प असल्याचे सांगण्यात आले, परंतु मी परिणामांची चिंता केली नसल्याचे त्यांनी सांगितले.

आम्हाला कोळशाचे प्रदुषण नको आहे, कोळशामुळे अनेक आरोग्याच्या समस्या निर्माण झाले आहेत. त्यामुळे रेल्वे मार्ग दुपदरीकरणामुळे आमचा विरोध कायम असणार आहे. राज्यात अनेक ज्वलंत विषय आहेत. सध्या राज्यातील रस्त्यांची स्थिती अतिशय बिकट असून याला जबाबदार सरकार आहे. या रस्त्यावर खड्ड्यांमुळे होणाऱ्या मृत्यूची जबाबदारी कोण घेणार? सरकारने तात्काळ रस्ते सुरळीत करावेत, अशी मागणी फिलीप यांनी केली.

जि.पं.साठी पक्षाचे उमेदवार

आम्ही येत्या जिल्हा पंचायत निवडणुकीच्या अनुषंगाने आमच्या केंद्रीय नेत्या सुप्रिया सुळे यांच्याशी चर्चा केली आहे. तसेच विधानसभा निवडणुकीसाठी देखील आम्ही काही मतदारसंघात आमचे उमेदवार देणार आहोत. राष्ट्रवादी अजित पवार गट गोव्यात आला आहे, परंतु कार्यक्रमाच्या आयोजना व्यतिरिक्त त्यांनी काही केले नाही. स्थानिक स्तरावर त्यांचे नेते नाहीत ते येतात कार्यक्रम करतात आणि निघून जातात, असे जुझे फिलीप डिसोझा यांनी सांगितले.

जनता विरोधकांसोबत, पण...

आम्ही येत्या जिल्हा पंचायत निवडणुकीच्या अनुषंगाने आमच्या केंद्रीय नेत्या सुप्रिया सुळे यांच्याशी चर्चा केली आहे. तसेच विधानसभा निवडणुकीसाठी देखील आम्ही काही मतदारसंघात आमचे उमेदवार देणार आहोत. राष्ट्रवादी अजित पवार गट गोव्यात आला आहे, परंतु कार्यक्रमाच्या आयोजना व्यतिरिक्त त्यांनी काही केले नाही. स्थानिक स्तरावर त्यांचे नेते नाहीत ते येतात कार्यक्रम करतात आणि निघून जातात, असे जुझे फिलीप डिसोझा यांनी सांगितले.