Jio 5G In Goa : गोव्याची राजधानी पणजी शहर आज ‘जिओ ट्रू 5-जी’ नेटवर्कशी जोडले गेले आहे. याचवेळी 17 राज्यांतील 50 शहरांमध्ये एकाच दिवशी 5-जी सुरू करून जिओने एकप्रकारे विश्वविक्रम केला आहे.

यामुळे आता वापरकर्त्यांना आजपासून कोणत्याही अतिरिक्त खर्चाशिवाय 1 जीबीपीएस+ वेगाने अमर्यादित डेटा मिळेल.

याप्रसंगी जिओच्या प्रवक्त्यांनी सांगितले की, “पणजीमध्ये जिओ ची 5-जी सेवा सादर करताना आम्हाला आनंद होत असून पणजी शहरात 5-जी सेवा सुरू करणारा जिओ ही पहिलीच कंपनी ठरली आहे.

आम्ही जिओ ट्रू 5-जी तंत्रज्ञान त्याच्या विश्वसनीय वायरलेस नेटवर्कसह पणजी आणि गोव्यातील लोकांना प्रगत आरोग्य सेवेच्या क्षेत्रात फायदा होणार आहे."

"कृषी, शिक्षण, ई-गव्हर्नन्स, आयटी, एसएमई, ऑटोमेशन, आर्टिफिशियल इंटेलिजन्स, गेमिंग आणि इतर अनेक क्षेत्रातही अनेक फायदे मिळतील. गोवा डिजीटल करण्यासाठी आम्हाला पाठिंबा दिल्याबद्दल आम्ही गोवा सरकारचे आभारी आहोत.”