Fire In Goa : विद्युत तारांच्या स्पर्शाने ट्रकलमधील गवताने घेतला पेट; सत्तरीतील घटना

Fire In Goa : राज्यात आगीच्या घटनांमध्ये वाढ होताना दिसत आहे. वाळपई येथे एका ट्रकला आग लागल्याची घटना घडली आहे. सुदैवाने या घटनेत जिवतहानी झाली नाही. आगीवर नियंत्रण मिळविण्यात वाळपई अग्निशमन दलाला यश आले आहे.

याबाबत अधिक माहिती अशी की, एका आयशर ट्रकमधून वाळलेल्या गवताची वाहतूक होत होती. हा ट्रक सत्तरीतील नागरगाव पंचायतीजवळ आला असता त्यातील गवताचा स्पर्श विद्युत तारांना झाला. त्यामुळे गवताने पेट घेतला. ही घटना आज दुपारी 2 वाजण्याच्या सुमारास घडली.

आग लागल्याचे लक्षात येताच चालकाने वाळपई अग्निशमन दलाला याबाबतची माहिती दिली. घटनास्थळी दलाच्या जवानांनी धाव घेत आगीवर नियंत्रण मिळवीले. या आगीत 15 हजार रुपयांचे नुकसान झाले असून 8 लाखांची मालमत्ता वाचवण्यात अग्निशमन दलाला यश आले आहे.