Water Problem in Mandrem जनतेचे प्रश्न आणि समस्या शासन दरबारी मांडण्यासाठी मांद्रे मधील जनतेने जीत आरोलकर यांना निवडून दिलं आहे.
मात्र असं असूनही आरोलकर लोकांच्या मूलभूत समस्या सोडवण्यास सपशेल अपयशी ठरले आहेत असा घणाघात संजय कोळे या ग्रामस्थाने एका वृत्त वाहिनीशी बोलताना केला आहे.
मांद्रेतील रस्त्यांची दुर्दशा झालेली असून आमदार म्हणून आरोलकर कोणतीही कामे करत नसल्याचा आरोप कोळे यांनी केलाय.
पाण्याविना लोकांची दुर्दशा होत आहे. दळणवळणासाठी रस्ते नसून मतदारसंघात मूलभूत प्रश्न सोडवण्याची जीत आरोलकर यांची मानसिकता नाही. शिवोलीमध्ये एक महिला आमदार रस्ता तयार करू शकते तर आरोलकरांना कोणती अडचण आहे असा सवालही त्यांनी केलाय.
आपल्याशी प्रत्यक्ष देव बोलतो असे दिगंबर कामत सांगतात त्यामुळे मांद्रे वासियांनी एकत्र येऊन कामतांकरवी देवाला मांद्रेतील पाणी प्रश्न सुटणार की नाही हे विचारावे लागेल असा उपरोधिक टोलाही त्यांनी या वेळी लगावलाय.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.