कुळे: कुळेत दूधसागर जीप टूर ऑपरेटर्सनी खासदार विरियातो फर्नांडिस यांची भेट घेतली व आपली समस्या त्यांच्याकडे मांडली. यावेळी फर्नांडिस यांनी आपण ही समस्या सोडविणार असल्याचे आश्‍वासन दिले. ते म्हणाले, आपला हक्क मागण्यासाठी कुणालाही घाबरण्याचे कारण नाही. दूधसागर पर्यटन व्यवसाय हा येथील स्थानिकांचा व्यवसाय आहे. याबाबत आपण लोकसभेत प्रश्‍न मांडणार आहे.
दूधसागर धबधबा पर्यटन व्यवसायाची वेबसाईट आहे, ती आमची वेबसाईट आम्हांला परत द्यावी. या ठिकाणी जीटीडीसीचा हस्तक्षेप नको. सरकारला जो काही कर आहे, तो आम्ही भरण्यास तयार आहे, असे जीप टूर ऑपरेटर्सनी सांगितले. आम्हांला जिटीडीसीचा हस्तक्षेप नको, आम्हांला आपण सहकार्य करावे, अशी मागणी अध्यक्ष नीलेश वेळीप व असोसिएशनच्या पदाधिकाऱ्यांनी केली.
येथील ट्रेकर्स म्हणाले, सकाळी ८ ते १० या वेळेत पर्यटकांना अभयारण्यात प्रवेशाची वेळ असते, ती वेळ अत्यंत चुकीचा असून मोठ्या संख्येने रेलगाडीने येणाऱ्या पर्यटकांसाठी ही वेळ बरोबर नाही. कुळे गावात सकाळी १० च्या नंतर अनेक पर्यटक येतात, प्रवेश बंद झाल्याने त्यांना माघारी फिरावे लागते. तेव्हा वन खात्याने सकाळी ६ ते दुपारी १२ पर्यंत पर्यटकांना अभयारण्यात प्रवेश द्यावी, अशी मागणी येथील ट्रेकर्सनी केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.