वास्को: वेर्णा पोलिसांनी शनिवारी मध्यरात्री टाकलेल्या छाप्यात सांकवाळ येथील एका भाड्याच्या घरात इंडियन प्रीमियर लीग (आयपीएल) सामन्यावर अवैध सट्टेबाजी सुरू असल्याचे उघडकीस आले. या कारवाईत चार जणांना रंगेहात पकडण्यात आले.

पोलिसांनी दिलेल्या माहितीनुसार, विशिष्ट माहितीच्या आधारे सांकवाळ-शिंदोळी येथील घर क्रमांक ६४/३डी च्या पहिल्या मजल्यावर छापा टाकण्यात आला. यावेळी चेन्नइ सुपर किंग्स आणि दिल्ली कॅपिटल्स यांच्यात सुरू असलेल्या सामन्यावर सट्टा स्वीकारताना आरोपींना पकडण्यात आले.

अटक करण्यात आलेल्यांमध्ये प्रांजल तिवारी (२३, उत्तर प्रदेश), अमर दावडा (३३, छत्तीसगड), शशांककुमार साहू (१९, उत्तर प्रदेश) आणि संदीप सिंग (२३, उत्तर प्रदेश) यांचा समावेश आहे. हे चौघेही सांकवाळ येथील भोज नाईक हाऊस येथे भाड्याने राहत होते.