पणजी, भारतीय पासपोर्ट मागे घेण्याचे प्रमाणपत्र भारतीय वंशाचे विदेशी नागरिक (ओसीआय) हे ओळखपत्र चालू शकेल हा केंद्र सरकारने घेतलेला निर्णय अत्यंत योग्य असा आहे, त्याचे स्वागत आहे.
मात्र यामुळे हे ओळखपत्र विनासायास मिळू शकेल हा पसरविण्यात येत असलेला समज चुकीचा असल्याचे आमदार कार्लुस फेरेरा यांनी आज येथे पत्रकार परिषदेत नमूद केले.
फेरेरा यांनी यावेळी विदेशस्थ एका अल्पवयीन गोमंतकीय मुलाची गोष्ट सांगितली. ते म्हणाले, २०१५ मध्ये त्या अल्पवयीनासाठी भारतीय पासपोर्ट मिळवण्यात आला. सप्टेंबर २०१५ मध्ये त्याच्या जन्माची नोंद पोर्तुगालमध्ये करण्यात आली.
२०२० मध्ये त्याच्या भारतीय पासपोर्टचे नूतनीकरण करण्यात आले. डिसेंबर २०२३ मध्ये त्याच्यासाठी पोर्तुगीज पासपोर्ट मिळवण्यात आला. जन्म पोर्तुगालमध्ये नोंद झाल्याने त्या अल्पवयीनासाठी असे ओळखपत्र मिळवण्यासाठी अर्ज कऱण्यात आला. आता त्याला कारणेदाखवा नोटीस केंद्र सरकारने बजावली आहे.
वेगळ्या प्रमाणपत्राची मागणी का?
केंद्रीय गृह मंत्रालय एक गोष्ट सांगते आणि त्याच्या नेमक्या विरोधात विदेशातील वकिलाती व उच्चयुक्तालये वागतात. तेथे अशा ओळखपत्रासाठी विदेशातील नागरिकत्व घेतल्याचे प्रमाणपत्र आणायला सांगितले जाते.
केंद्र सरकार मानते की विदेशात जन्माची नोंदणी केली भारतीय नागरिकत्व जाते आणि ती व्यक्ती विदेशी नागरिक होते तर मग वेगळ्या प्रमाणपत्राची मागणी का, असा प्रश्न आहे. त्याचमुळे केंद्र सरकारने पासपोर्ट मागे घेण्याचे प्रमाणपत्र ओसीआय कार्ड मिळवण्यासाठी चालणार हा घेतलेल्या निर्णयाचे स्वागत असले तरी त्यामुळे ओळखपत्र विनासायास मिळेल ही माहिती चुकीची आहे असे ते म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.