Goa Video: 'सुंभ जळाला तरी पीळ काही जात नाही', तुरुंगात टाकल्याबद्दल श्रेया मुख्यमंत्र्यांना म्हणाली I Love You

Shreya Dhargalkar Video

फातार्पा येथील शांतादुर्गा कुंकळ्ळीकरीण देवस्थान आणि लईराई देवीच्या धोंडांबाबत वादग्रस्त वक्तव्य केल्याप्रकरणी श्रेया धारगळकर अटकेत होती.

कुंकळ्ळी पोलिसांच्या अटकेतून बाहेर पडल्यानंतर डिचोली पोलिसांनी तिला अटक केली. सुरुवातीला जामीन याचिका फेटाळल्यानंतर अखेर तिला सशर्त जामीन मंजूर करण्यात आला. पण, कोलवाळमधून बाहेर येताच श्रेयाने मुख्यमंत्र्यांवर निशाना साधत तुरुंगात टाकल्याबद्दल त्यांना I Love You म्हणाली.

"ज्या कोणी मला तुरुंगात पाठवले त्यांना मी धन्यवाद देते, कारण मी खूप स्ट्राँग होऊन बाहेर पडलीय. मी तुरुंगात महिलांचे दु:ख पाहिले. आणि आता मला तुरुंगातील कैद्यांच्या हक्कासाठी लढाई करायची आहे."

"मी एवढे काही मोठे केले नसताना मला तुरुंगात पाठवले त्याबद्दल मी मुख्यमंत्र्यांना I Love You म्हणते. कोरोना काळात एवढे काम केले, माझे घर विकले पण मला कोरोनाचे एक प्रमाणपत्र कधी दिले नाही. पण मला तुरुंगात पाठवले त्याबद्दल मी मुख्यमंत्र्यांना धन्यवाद देते, देव सर्वकाही पाहतोय."

"माझ्या वक्तव्यामुळे कोणाच्या भावना दुखावल्या असतील तर मी मनापासून त्यांची माफी मागते. कोणीच कोणाचे मन दुखवू नये या मताची मी आहे," असेही श्रेया धारगळकर तुरुंगातून बाहेर आल्यानंतर म्हणाली.

"ज्यापद्धतीने मला अटक करण्यात आली, लोक माझ्यावर धावून आले, त्यामुळे मी माझे आयुष्य धोक्यात असल्याचे म्हणाली," अशी कबुली तिने बाहेर पडल्यानंतर दिली.

"श्रेयाने यावेळी गोवा पोलिसांना आवाहन करताना खोटे गुन्हे दाखल करुन त्यांना तुरुंगात टाकू नका, असे म्हटले. योग्य तपास केल्यानंतरच त्यांना अटक किंवा तुरुंगात टाका. मी येथे राहुन अनेक गोष्टी शिकले," असेही श्रेया म्हणाली.

जामीनावर बाहेर आलेली श्रेया काय म्हणाली पहा व्हिडिओ!