भारतीय तटरक्षक दल डेप्युटी इन्स्पेक्टर जनरल अनुराभ भोस (Indian Coast Guard DIG Anurabh Bhos) यांनी दलाच्या गोवा विभागाचा प्रमुख म्हणून काल बुधवारी पदभार स्वीकारला. यापूर्वी अनुराभ भोस भारतीय तटरक्षक दलाच्या चेन्नई येथे असलेल्या 'एअर स्टेशन'वर (Chennai Air Station) पात्र उड्डाण प्रशिक्षक (Flight instructors) म्हणून नियुक्त होते.

भारतीय तटरक्षक दलाच्या गोवा विभागाचे प्रमुख डेप्युटी इन्स्पेक्टर जनरल हिमांशू नौटियाल (DIG Himanshu Noutiyaal) यांच्याकडून बुधवारी भोस (Anurabh Bhos) यांनी पदभार स्वीकारला. भोस हे दलाच्या 1994 सालातील एक्झिक्युटिव्ह केडरचे अधिकारी आहेत. भारतीय तटरक्षक दलात उत्तम हेलिकॉप्टर वैमानिक (Helicopter Pilot) म्हणून काम करताना त्यांच्याकडून कुठल्याच प्रकारची धोकादायक घटना घडलेली नाही. हेलिकॉप्टर वैमानिक म्हणून केरळ (Kerala) येथे एका शोध व बचाव मोहिमेत भाग घेऊन धोक्यात असलेल्या ११ जणांचा जीव वाचविल्याने अनुराभ भोस यांना 2014 सालात 'तटरक्षक मेडल' पुरस्काराने (Coast Guard Medal Award) सन्मानित करण्यात आले