Indian Army Bharti 2023 : अग्निपथ योजनेंतर्गत भारतीय सैन्यात भरती प्रक्रिया लवकरच सुरू होणार आहे. ही नवीन भरती प्रक्रिया दोन टप्प्यात पार पडणार आहे.

अग्निपथ योजनेंतर्गत 2023-24 साठी सैन्यात सामायिक प्रवेश परीक्षेसाठी (CEE) अर्जाची ऑनलाइन नोंदणी/सबमिशन 16 फेब्रुवारी 2023 पासून सुरू झाली आहे आणि पात्र असलेल्या अविवाहित उमेदवारांसाठी 15 मार्च 2023 पर्यंत सुरू राहील.

महाराष्ट्रातील कोल्हापूर, सातारा, सांगली, रत्नागिरी आणि सिंधुदुर्ग जिल्ह्यांतील पुरुष उमेदवार आणि उत्तर गोवा आणि दक्षिण गोव्यातील इच्छुक उमेदवार यामध्ये अर्ज करू शकतात.

नवीन भरती प्रणालीनुसार, अग्निवीर इच्छुकांना 16 फेब्रुवारी ते 15 मार्च दरम्यान सामायिक प्रवेश परीक्षेसाठी (CEE) ऑनलाइन अर्ज नोंदणी करून सबमिट करावी लागेल.

अर्ज करताना, उमेदवारांना पाच परीक्षा केंद्रे निवडायची आहेत जिथून ते ऑनलाइन CEE साठी बसणार आहेत. CEE मध्ये निवडलेल्या उमेदवारांना नंतर फेज-2 मध्ये शारीरिक तंदुरुस्ती चाचणी, शारीरिक चाचणी आणि वैद्यकीय परीक्षा द्यावी लागेल.