निवृत्ती शिरोडकर

मोरजी: गेल्‍या कित्‍येक महिन्‍यांपासून पेडणे तालुक्‍याला सतावणाऱ्या पाण्‍याच्‍या समस्‍येकडे आजही सरकारचे दुर्लक्षच झालेले आहे. ‘वीज नाही, पाणी नाही’ अशी स्‍थिती मोरजी, तुये व पेडणेत आहे.

चांदेल पाणी प्रकल्पातून दिवसाकाठी पंधरा एमएलडी पाणी पेडणे तालुक्याला सोडले जाते. पण आता लोकसंख्‍या वाढल्‍याने पाण्‍याची मागणीही वाढली आहे. तसेच लहान-मोठे उद्योगधंदे, प्रकल्‍प वाढत असल्याने पाण्याची कमतरता भासत आहे. त्यात भर पडतेय ती विजेचा लपंडावामुळे. ज्यावेळी वीजपुरवठा खंडित होतो, तेव्हा पाणीपुरवठा होत नाही. चांदेल जलप्रकल्‍पाची वीज अर्धा दिवस गायब झाली तर मांद्रे मतदारसंघातील मोरजी, आगरवाडा, पार्से, तुये, विर्नोडा, मांद्रे, पालये, केरी भागाचा पाणीपुरवठा पूर्ववत होण्‍यास सहा दिवस लागतात.