Sanguem Accident : सांगे कोठार्ली येथे एक भीषण अपघात घडल्याची माहिती समोर येत आहे. या अपघातात दुचाकीस्वाराचा जागीच मृत्यु झाला असून एक गंभीर जखमी झाला आहे. पोलिस घटनास्थळी दाखल झाले असून पुढील कारवाई करीत आहेत.
याबाबत अधिक माहिती अशी की, सांगे कोठार्ली येथे हा भीषण अपघात झाला आहे. पल्सर दुचाकीला भरधाव ट्रकने पाठीमागून धडक देत चिरडल्याने हा अपघात घडला. ही दुर्दैवी घटना रविवारी दुपारी 4 वाजण्याच्या सुमारास घडली.
भरधाव ट्रकने सांगे कोठार्ली येथे दुचाकीला मागून धडक दिली. या धडकेत दुचाकीचा तोल गेल्याने दुचाकीस्वार व दुचाकीवर बसलेली मागील व्यक्ती रस्त्यावर पडले. यावेळी त्यांच्या अंगावरुन ट्रक गेल्याने चिरडले गेले. भरधाव ट्रक चालकाचे वाहनावरील नियंत्रण सुटल्याने ट्रक रस्त्याच्या कडेला पलटी झाला.
अपघातात दुचाकीस्वार मंजू चारी याचा जागीच मृत्यु झाला तर दुसरा गंभीर जखमी झाला आहे. जखमीला सांगेतील रुग्णालयात दाखल करण्यात आले आहे. सहा महिन्यांपूर्वी अशाच एका अपघातात मंजूच्या धाकट्या भावाचा मृत्यू झाला होता. अपघाताची माहिती मिळताच पोलिस घटनास्थळी दाखल झाले असून पुढील तपास सुरु आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.