Illegal rent-a-car service Dainik Gomantak
गोवा

Mopa Airport: मोपावर बेकायदेशीर ‘रेंट अ कार’चा सुळसुळाट! स्थानिक टॅक्सीचालक आक्रमक; कडक कारवाईची होतेय मागणी

Mopa Airport Taxi Issue: धारगळ सुकेकुळण हॉटेल परिसरात पेट्रोलपंपजवळ राहून वेगवेगळ्या गावात जाण्यासाठी प्रवाशांना घेऊन भाडी मारत असल्याच्या तक्रारी पुन्हा येऊ लागल्‍या आहेत.

Sameer Panditrao

मोरजी: मोपा येथील मनोहर आंतरराष्ट्रीय विमानतळावर बेकायदेशीर रेंट अ कार भाडी मारत असल्याचा तक्रारी स्थानिक टॅक्सी व्यावसायिकांनी सरकारकडे केल्यानंतर या कारना ‘मोपा’वर निर्बंध घातले होते.

तरीही आता धारगळ सुकेकुळण हॉटेल परिसरात पेट्रोलपंपजवळ राहून वेगवेगळ्या गावात जाण्यासाठी प्रवाशांना घेऊन भाडी मारत असल्याच्या तक्रारी पुन्हा येऊ लागल्‍या आहेत. याबाबत माहिती मिळताच पेडणे पोलिसांनी तातडीने घटनास्थळी धाव घेऊन दोन वाहने पोलिस स्टेशनवर आणली.

मोपा विमानतळासाठी हजारो चौरस मीटर जमीन स्थानिक शेतकऱ्यांनी दिलेली आहे. या शेतकऱ्यांना अजूनपर्यंत अपेक्षेनुसार मोबदला मिळालेला नाही. काही बेरोजगार सुशिक्षित युवकांनी टॅक्सीव्यवसाय सुरू केला. निदान या व्यवसायातून तरी समाधानकारक धंदा मिळेल अशी अपेक्षा त्‍यांना होती. परंतु या व्यवसायात देखील बिगरगोमंतकीयांची मोठ्या प्रमाणात स्पर्धा सुरू झाली. सरकारचे याकडे दुर्लक्ष झाले आहे.

मागच्या कित्येक महिन्यांपासून मोपा विमानतळावर रेंट कार येऊन प्रवाशांना घेऊन जात असल्याच्या तक्रारी स्थानिक टॅक्सी व्यवसायिकांनी दिल्या होत्या. त्यानंतर वाहतूक खात्याने यावर कारवाई करत त्यांना या ठिकाणी भाडी मारण्यास निर्बंध घातले. परंतु ते थांबणार कुठे? त्यांना सवय झाल्यानंतर कमी पैशाच्या मोबदल्यात रेंट कारने भाडी मारण्याचा धंदा सध्या तेजीत चालवला आहे. हे रेंट कार व्यावसायिक सुकेकुळण-धारगळ येथे पेट्रोलपंपाजवळ आणि हॉटेलच्या परिसरात थांबून प्रवाशांना घेऊन कमी पैशात भाडी मारत असल्याचे दिसून येते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Super Cup 2025: धडाकेबाज एफसी गोवा उपांत्य फेरीत, सुपर कप फुटबॉलमध्ये गतविजेत्यांचा इंटर काशी संघावर 3 गोलने विजय

गोव्यातील सार्वजनिक सेवेतील वाहनांना GPS ट्रॅकिंग आणि पॅनिक बटन बसविण्याची सूचना, 30 नोव्हेंबरपर्यंत मुदत

"सरकारी नोकर भरतीत अन्याय नको", दादा वैद्य चौकात मराठीप्रेमींकडून संताप व्यक्त; धो धो पावसातही मराठीप्रेमींचा निर्धार

Goa Water Taxi: गोव्यात लवकरच धावणार वॉटर मेट्रो टॅक्‍सी! प्रवाशांना मिळणार नवा पर्याय, नदीपरिवहन मंत्री सुभाष फळदेसाईंची माहिती

Shreyas Iyer Health Update: श्रेयस अय्यरने दुखापतीबद्दल दिली मोठी अपडेट, सोशल मीडियावर शेअर केली पोस्ट

SCROLL FOR NEXT