Sancoale Panchayat Dainik Gomantak
गोवा

Sancoale: सांकवाळ पंचायतीत बेकायदा नोकरभरती; जनहित याचिका; नियम धाब्‍यावर

नव्‍या नियुक्त्‍या तातडीने रद्द करण्‍याची मागणी

दैनिक गोमन्तक

Illegal Recruitment In Sancoale Panchayat: सांकवाळ पंचायतीत केलेली नोकरभरती बेकायदेशीर व कायद्यातील नियम धाब्यावर बसवून केल्याप्रकरणी सावरफोंड-सांकवाळ येथील नारायण दत्ता नाईक यांनी मुंबई उच्च न्यायालयाच्या गोवा खंडपीठात जनहित याचिका दाखल केली आहे. ही नोकरभरती रद्द करण्याचे निर्देश देण्याची विनंती याचिकेत केली आहे.

या याचिकेत राज्य सरकारसह ओरविल वालिस (ग्रामसेवक, सांकवाळ), आशा मेस्ता (पंचायत सचिव, केळशी), रघुवीर भागकर (सचिव, हडफडे), रोहिनी तोरस्कर (सरपंच, सांकवाळ), गिरीश पिल्ले (उपसरपंच, सांकवाळ),

पंचायत संचालक, मुरगाव गटविकास अधिकारी, जिल्हा पंचायत मुख्याधिकारी, सांकवाळ पंचायत, नकुशा वीर, तुषार गावडे, साक्षी माळगावकर, रोशिता कार्व्हाल्हो, सोनिया यादव, क्लारिसा रॉड्रिग्स, लक्ष्मण नाईक यांना प्रतिवादी केले आहे.

सांकवाळ पंचायतीने ७ कर्मचाऱ्यांची गेल्या काही वर्षांपासून बेकायदेशीर नेमणूक करत आले आहे. यासंदर्भात याचिकादाराने तक्रार दाखल करूनही कोणतीच कारवाई केली जात नसल्याने ही जनहित याचिका दाखल केली आहे.

या याचिकेवरील सुनावणी पूर्ण होईपर्यंत सांकवाळ पंचायतीला कर्मचारी नेमणुकीला अंतरिम आदेशाद्वारे प्रतिबंध घालण्यात यावेत. याचिकेत प्रतिवादी असलेल्या कर्मचाऱ्यांची वेतन त्वरित बंद करावे, अशी विनंती केली आहे.

मागील तारखेने मिळवली परवानगी

ही कर्मचारी नियुक्ती करण्यापूर्वी सरकार किंवा पंचायत खात्याची परवानगी घेतली नाही. या कर्मचाऱ्यांना हंगामी तत्त्वावर घेऊन त्यांना मर्जीप्रमाणे वेतन देण्यात आले. ही नियुक्ती खात्याच्या निवड समितीने शिफारस करण्यापूर्वीच केल्याने ती बेकायदेशीर ठरते.

पंचायतीने या कर्मचाऱ्यांना नेमणूक करून मागील तारखेने पंचायत खात्याची परवानगी घेतली आणि खात्याने ती दिली. पंचायतराज कायद्याखाली अशी परवानगी देता येत नाही.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT