Illegal Liquor Seized: गोव्यातून होणारी मद्याची अवैध वाहतूक ही गोष्ट आता नवीन राहिली नाही. या घटनांवर आळा घालण्यासाठी गोवा पोलीस, अबकारी खाते नेहमीच सतर्क असते. मिळालेल्या माहितीनुसार, अनमोड अबकारी विभागाने येथील चेकपोस्टवर रात्री मंदारा KA 51 AH 7362 या ट्रॅव्हल बसमधून अवैधरित्या मद्य वाहतूक होत असल्याची माहिती मिळाली होती.

यामुळे त्यांनी ट्रॅव्हल बसची पाहणी केली. त्यावेळी बसमधून 66.750 लिटर गोवा निर्मित दारू आढळली. या प्रकरणी सुप्रीत बी. एच. (सोमनहल्ली) याला अबकारी विभागाने ताब्यात घेतले आहे. त्याचबरोबर दारूच्या बॉटल आणि वाहनासह 45 लाख 57 हजार रुपयांचा माल यावेळी जप्त करण्यात आला आहे.

गोव्यातून कर्नाटकात येत असताना बसमधून गोवा निर्मित दारूची बेकायदेशीरपणे तस्करी केली जात होती.

ही कारवाई अबकारी उपनिरीक्षक श्रीकांत असुदे यांच्या मार्गदर्शनाखाली करण्यात आली. यावेळी अधिकारी एस बी बनमोडे, एस डी राठोड, इन जी जोगळेकर, पोलीस अधिकारी तनोज बैलोर, ललिता हल्ली, राहुल एस एस टी विभागाचे राहुल कलमणकर आदी उपस्थित होते.