Illegal Goa Made Liquor Seized at Anmod Check Post: गोव्‍यातून इतर राज्यांमध्ये होणाऱ्या अवैध मद्य वाहतूकीचे प्रमाण वाढले आहे.

काल (मंगळवार) कर्नाटकात मद्य वाहतूक करणाऱ्याला पोलिसांनी ताब्यात घेतले आहे. पोलिसांना सूत्रांनी दिलेल्या माहितीनुसार, दुचाकीवरून ही वाहतूक करण्यात येत होती.

काल संध्याकाळी अनमोड चेकनाक्यावर सदर दुचाकी जप्त करण्यात आली. हिरो फॅशन प्रो दुचाकीवरून (KA 27 EK 1046) गोवा बनावटीची 54 लिटर दारू ताब्यात घेतली आहे.

या प्रकरणी पोलिसांनी अब्बास अली (हावेरी) याला ताब्यात घेतले. या प्रकरणी सुनावणी झाली असून आरोपीला न्यायालयीन कोठडी सुनावण्‍यात आली असल्याचे पोलिसांनी सांगितले. अबकारी अधिकाऱ्यांनी वाहनासह 58,640 रुपयांचा माल ताब्‍यात घेतला आहे.