Goa Crime News: आज गोवा विधानसभा निवडणुकीचे मतदान पार पडले. राज्यात सरासरी 80% मतदान झाले असल्याचे मुख्य निवडणूक अधिकारी कुणाल यांनी पत्रकार परिषदेत सांगितले.

निवडणुकीदरम्यान अबकारी खाते (Excise Department) आणि गोवा पोलीस प्रशासन आचारसंहितेचा भंग होऊ नये आणि कोणत्याही प्रकारचा गुन्हा घडू नये यासाठी राज्यभर तैनात होते. निवडणूक आचारसंहितेच्या काळात पोलिस व अबकारी खात्याने घातलेल्या छाप्यात सुमारे 6.68 कोटींची रोख रक्कम, 3.57 कोटींचा मद्यसाठा, 2 लाखांचे सोने आणि चांदीच्या वस्तू तसेच 1.2 कोटींच्या अंमलीपदार्थांचा समावेश आहे.

या कालावधीत करण्यात आलेल्या धडसत्रात एकूण 12.72 कोटींचा मुद्देमाल जप्त करण्यात आला असल्याची माहिती पोलीस महानिरीक्षक राजेश कुमार (Inspector General of Police Rajesh Kumar) यांनी निवडणूक आयोगातर्फे (Election Commission) आयोजित केलेल्या पत्रकार परिषदेमध्ये दिली.