Huge Traffic Jam: आज सकाळी रायबंदर येथे मोठ्या प्रमाणात वाहतूक कोंडी दिसून आली. रायबंदर पासून पुढे मिलरॉक हॉटेलपर्यंत वाहनांच्या लांबच लांब रांगा असल्याने वाहनचालकांची गैरसोय झाली.

सकाळची वेळ ही नोकरदारांची कामावर जाण्याची वेळ असल्याने नागरिकांनी याबाबत नाराजी व्यक्त केली.

तासभर ट्रॅफिक जॅम

आज चिंबल जंक्शनजवळ देखील वाहनचालकांना वाहतूक कोंडीचा सामना करावा लागला. जंक्शन रोडवर जवळपास तासभर वाहनांच्या रांगा दिसून आल्या. मागील दोन दिवसांपासून याठिकाणी ट्रॅफिक जॅम होत असल्याने विद्यार्थी आणि नोकरदार वर्गाला‌ मोठा फटका बसत आहे.

दरम्यान, वाहतूक नियमांचे उल्लंघन केल्याप्रकरणी परराज्यातील 3,498 वाहनांवर कारवाई करण्यात आली आहे. मागील साडे चार वर्षात परराज्यातील आणि स्थानिक वाहनांवरील कारवाईतून एकूण 112 कोटींचा महसूल जमा झाला असल्याची माहिती वाहतूकमंत्री माविन गुदिन्हो यांनी दिली.