वाळपई: होंडा ते वाळपई दरम्यानच्या रेडेघाटीतील मार्ग सध्या भटक्या गुरांमुळे वाहतुकीसाठी धोकादायक झाला आहे. दिवसा तसेच रात्रीही मोठ्या प्रमाणात गुरे या रस्त्यावर ठाण मांडून असतात.

विशेषता रात्रीच्या वेळी या रस्त्यावर ठाण मांडणारी गुरे वाहनचालकांसाठी मोठी डोकेदुखी ठरली आहेत. रस्त्याच्या मधोमध बसणारी ही गुरांना चुकवता वाहनचालकांना मोठी कसरत करावी लागते. अनेकदा रस्त्यावर बसलेल्या गुरांचा वाहनचालकांना अंदाज येत नाही, त्यामुळे अपघाताचे प्रसंगीही उद्‍भवतात.

सत्तरीत गुरांची समस्या जटिल

सत्तरी तालुक्यात सध्या भटक्या गुरांची समस्य जटिल होत चालली आहे. अनेक गुरांच्या मालकांनी आपल्या गुरांची देखभाल करणे सोडून दिल्याने ही गुरे दिवसभर कुठेही भटकत असतात व रात्री उबेसाठी रस्त्यावर ठाण मांडतात, असे काही स्थानिकांनी सांगितले.