होंडा: सत्तरी परिसरात शनिवारी सकाळी झालेल्या भीषण अपघातात नागराज बंदीरवार (वय १८ वर्षे, रा. होंडा) याचा दुर्दैवी मृत्यू झाला. अपघातात स्कूटरवर मागे बसलेला नागराज रिक्षा आणि स्कूटर यांच्यात झालेल्या जोरदार धडकीत गंभीर जखमी झाला.

त्याला तातडीने साखळी आरोग्य केंद्रात नेण्यात आले, जिथे उपचार सुरू असताना त्याचा मृत्यू झाला.अपघातात स्कूटरचा चालक साईनाथ गावडे (वय ३० वर्षे, रा. सोनशी) किरकोळ जखमी झाला असून, त्यालाही उपचारासाठी साखळी आरोग्य केंद्रात दाखल करण्यात आले.

साईनाथ गावडे यांच्यावर पोलिसांनी अपघातासंबंधी गुन्हा नोंदवला आहे. स्थानिकांनी सांगितले की स्कूटरवर मागे बसलेला नागराज आणि रिक्षा चालक यांच्यात अचानक धडक झाली.

अपघातानंतर परिसरात खळबळ उडाली असून, पोलीस घटनास्थळी पोहोचून तपास सुरू केला आहे.